conto kawih sunda jeung pangarangna.. Tolong bantuin yang baikkk besok harus dikumpul kann... Terimakasih sebelumnya.....

Conto kawih Sunda jeung pangarangna nyaeta kawih Manuk Dadali karangan Sambas Mangundikarta. Manuk Dadali teh maksudna nyaeta Manuk Garuda. Kawih Manuk Dadali teh eusina ngeunaan sumanget kabangsaan. Kawih nyaeta salahsahiji rupa lalaguan Sunda. Aya sawatara rupa lalaguan Sunda nyaeta kawih, kakawihan jeung tembang. Ditilik tina rumpakana, kawih, kakawihan jeung tembang teh kaasup kana karya sastra dina wangun ugeran atawa puisi.

Pembahasan

Kawih jeung kakawihan mangrupa wangun puisi anu henteu kaiket ku aturan. Sedengkeun tembang nyaeta wangun puisi anu kaiket ku aturan, nyaeta aturan pupuh. Sanajan kawih teh teu kaiket ku aturan, dina rumpaka kawih aya sawatara unsur anu bisa digunakeun pikeun nilik atawa nganalisa eusi rumpaka kawih, nyaeta unsur jejer atawa tema, nada jeung suasana, rasa sarta amanat. Di handap ieu nyaeta lirik kawih Manuk Dadali salengkepna:

MANUK DADALI

Mesat ngapung luhur jauh di awang-awang

Mébérkeun jangjangna bangun taya karingrang

Kukuna ranggoas reujeung pamatukna ngeluk

Ngepak mega bari hiberna tarik nyuruwuk

Saha anu bisa nyusul kana tandangna

Gandang jeung perténtang taya bandingannana

Dipikagimir dipikasérab ku sasama

Taya karempan kasieun lébér wawanénna

Refrain :

Manuk dadali manuk panggagahna

Perlambang sakti Indonesia Jaya

Manuk dadali pangkakoncarana

Resep ngahiji rukun sakabéhna

Hirup sauyunan tara pahiri-hiri

Silih pikanyaah teu inggis béla pati

Manuk dadali ngandung siloka sinatria

Keur sakumna Bangsa di Nagara Indonesia

Ditilik tina rumpakana, kawih teh rek siga sajak nyaeta mangrupa wangun puisi anu henteu kaiket ku aturan. Kusabab kawih henteu kaiket ku aturan kawih sok disebut oge lalaguan Sunda bebas. Kitu oge dina dina munggaran ayana sajak, sajak kungsi disebut "sajak bebas". Dina munggaran ayana dina sastra Sunda, sajak kungsi ditolak sabab sajak mah henteu siga puisi Sunda lianna anu kaiket ku aturan, tapi ahirna sajak bisa ditarima dina sastra Sunda.

Pelajari lebih lanjut

• Contoh kawih https://brainly.co.id/tugas/433806
• Perbedaan kawih dengan pupuh https://brainly.co.id/tugas/330707
• Kawih, kakawihan dan tembang https://brainly.co.id/tugas/6730910

__________

Detil Jawaban

Kelas : VIII

Mapel : Bahasa Sunda - Kawih

Bab : 1

Kode : 8.13.1

Kata Kunci : Conto kawih Sunda jeung pangarangna